1- مادري حبيبي احس اني اعرفك من زمان تصدق ( كنا ويا بعض في صف مثلا ههههه)
2- حبيبي احس انك غير عن كل الشباب احس انك مختلف وغير عنهم
(عندي قرون يعني)
3-ياريتني ياقلبي عرفتك من زمان
( خيران شاء الله ..عارفه الف و تسمع مئه وسبعه و ثمانين الف واحد قبلي ) ههههههه اذا مو ازيد
4-انا ماطلع من البيت كثير ولما اطلع انزل راسي تحت وما أطالع احد
(انتي اللي اخترعتي الهياته يام كشه )
5- انا احب الشعر ومن هواياتي الرسم والسباحه ههههههههه
(عربي ما تعرف تكتب شنو شعر شنو بطيخ )
6-ماحب اقعد وغرفتي حوسه وانا احب النظافه وماعرف انام الا وانا مبخره غرفتي وفراشي
( اي صح بطانيتك صارت حامضه من الريري يا النظيفه و حجرتش هي و الزريبه وحده هههههه)
7-احتمال اروح سويسرا الصيف القادم
( هذي لحيتي اذا ما رحتين سوريا اسبوعين و المدينه و رجعتي هههه)
8- تصدق حبيبي ماعرف ألبس الا من دولشي اند جابانا و مانغو
( الا سوق واقف متعاقدة معه )
9-وااااي حبيبي مشتهيه موكا فرابشينو مع كراميل من ستاربكس
( انتي مال بسكوت مالح وشاى بو وزه ) هههههه
10-دايم اشتري عطوري من دايور
( هذا اذا مو عطرك المفضل المرش مال جدتك )
11- شكلي حبيبي راح اطق لي جاكوار من الوكاله
( اذا مو هوندا موديل 76 من الحراج )
12- انا بيتنا في المدينه و فيه برجه و حوش شقده
( اذا مو ساكنه بعشش هذي لحيتي )
13- حبيبي اليوم تلفوني طاح بالمرحاض واخترب
( يعني اشتر لي جهاز..ليش مدخله التلفون معاها الحمام )
14- انا كنت مخطوبه بس خطيبي مافيه مواصفات
(ليش هو خطيبك سيارة او جهاز لازم يكون بمواصفات ما ودك في عريس فتحة بالسقف ) ههههه
15- حبيبي بروح اشتري قرقيعان من السيف حق الاولاد
( قولي قرقيعان كسكبال و حلاوه ابو نص ههههههه )
16- حبيبي حط في بالك ترى انا اذا حبيت حبيت من كل قلبي
( اها ما عليه مصدقنش هههههههه)
17- حبيبي ودي اروح نادي كراون بلازا ودي العب تنس هناك
( تبا تقول انها ..هذا اذا مالعبتي غميمة بحوش بيتكم )
18- علاقتي فيك محد يدري فيها ابد لانها تعتبر من اهم خصوصياتي
( حتى خدامتهم تدري انها تكلم.. ) ههههههههه
19- احب اقعد بالبيت واساعد امي واحب اقعد مع الحريم ونشرب شاى
( يعني ترى ماعندي خرابيط . بختصار تعال اخطبني..بالعيد ان شاء الله )
20- حبيبي عيد ميلادي الاسبوع الجاى
( يعني ابي هديه...انت عاد لاتقصر )
21- بعد كم يوم راح ادخل معهد واتعلم اسباني بعد ماخلصت الفرنسي والايطالي
( عربي مثل الاوادم ماتعرفين...هالمره اسباني؟) ههههههه
السبت سبتمبر 06, 2008 1:26 pm
