البنات:-
اول مايرن جرس الفسحه:
1- تشوف شلة بنات داخلين الحمام .. اللي تعدل شعرها والثانيه تعدل كحلها . وكل وحده منهن تسولف عن اللي سوته في اخوها الصغير امس .
2- كل بنيه تمشي وفي مخباها كافي واذا عطيتها شبس تقولك: سوري انا مسوية ريجيم ..الله واكبر).. خوفي بس توصل البيت سيده تهجم على الغدا كالاسد المنتقض على فريسته ههههههه
3- والبنات الاذكية اول مايرن الجرس تشوفها داخلة غرفة المدرسات تبي الابلة تشرح لها الدرس اللي كانت غايبه فيه..
4- وبعض البنات اتشوفهم متحذفين ورى الفصل يحلون واجب الرياضيات اللي ماحلوه في البيت..
5- تشوف بعض البنات يستاذنون من الحصة قبل البريك بثلاث دقايق ويركضون الكافتيريا يحجزون لهم مكان واول مايرن الجرس الاكل كله مخلص مافيه الا عصير يتهاوشون البنات علية واخرتها يطلع خربان ..
الشباب:
ويش يسون الشباب في الفسحة:
1- تحصل واحد منهم راقد طول الحصه واول مايرن الجرس يدعي على اليوم اللي دخل فيها المدرسة ( لان حلمه نقطع بسببهم )
2- اثنان من الشباب ينتظرون متى يروح المدير اللي صار له واقف ساعة قدام الصف واول مايتحرك خطوتين ...!! يشلون شلايلهم وينطون من الطوفه ويشردون من المدرسة ويمرون على كم بقاله في طريقهم وبعد نص ساعه يرجعون المدرسة ..
3- وشلة تروح ورا المدرسة ويقعدون يدخنون لين مايقولون بس وما امداهم يشفطونها الا واحد كشخة رايح يفتن عند المدير وما يحسون الا المدير حابسهم في غرفة الاحتجاز ويسوي تلفون حق ابهاتهم ..
4- اما واحد تشوفه الا على الارض ويكمل رقاده ( لان طول الليل مارقد يشوف فيلم ويلعب بلايستيشن)..
الإثنين سبتمبر 08, 2008 10:07 am
صادوووووووووووك